"Pantay na Paa", isang tula tungkol sa karimlan ng ilegal na droga

sa
Pantay na Paa
Tugmang tula tungkol sa Isyung Panlipunan
Ni Erika Jane C. Domingo

Talamak na isyu ng katiwalian
Ang namumutawi sa ating lipunan
Takot ang nadarama ng mamamayan
Nilamon na ang ating kapayapaan

Sa pagsibol ng panibagong umaga
Tila hindi tinuturing na pag-asa
Dahil sa pagmulat pa lamang ng mata
Mga patay na katawa’y nakikita

Bawat araw ay tila ba pagdurusa
Gasong isip patuloy sa pagdududa
Aking kaligtasa’y mahalaga pa ba?
Laban ng buhay kakayanin mag-isa

Isang araw bigla ko na lang nakita
Aming kuta’y pinalilibutan nila
Ang aking mga kasama ay wala na
Ako na lang ang natatanging natira

Sarili’y patuloy sa pag-aalala
Takbo! Upang ‘di mahuli ng pulisya
Sa isang putok lamang buhay wala na
Buhay ay natuldukan sa isang bala


Mga Komento

Mag-post ng isang Komento